عرفت يا ابن ادام مين فينا الاحمار

**مملكه الحزن** · (**permalink**) 11-15-2007, 06:28 AM

السلام عليكم ورحمه الله وبركاته
سامحونى على الفتره الى فاتت عشان مقدمتش حاجه كان عندى ظروف تقبلو اعتزارى ولكم جزيل الشكر واتمنى ان الموضوع ده يعجبكم

عجبي عليك يا ابن ادم يا كبير الدار
قومت الدنيا وما قعدت لما قالو عنك حمار
هو اسمي شتيمة ولا جنسي ده عار
خلقني ربي وخلقك ولا حدش له خيار
وانا مهما زاد الحمل فوقي صابر على المشوار
لا في يوم اقول اشمعنى اخويا وآخذ منة تار
ولا يوم ابص لرزق غيري واطلق منة واغار
ولا ارفع في يوم عيني على جارتي واصون الجار
ولا مهر أدفع لحمارتي وشبكة وسوار
ولا شقة أجمع تمنها ولا اجهز دار
ولا زوجتى تتوحم عايزة الكفيار
ولا بنت تخرج عن طوعي وتجيب العار
ولا ابن يدمن ويهلوس ويقع وينهار
عايش في حالي متهني وليه افكار
باكل وباشرب وأنهق وما فيش اسرار
وعندي ابن ادم يخدمني ليل ونهار
ان جعت يشتري برسيمي بأغلى الاسعار
وفي مرضي يفضل يعالجني ويَدعي الستار
خادم أمين من غير راتب ولا حتى ايجار
ودلوقت عرفت يا ابن ادم مين فينا الحمار

**kalemero** · 11-15-2007, 04:14 PM

تسلم يامبدع

انا قريتها قبل كدا ياريت لما الموضوع يكون منقول نكتب منقول حفاظا علي الحقوق مش اكتر

تقبل مروري وتعليقي حبيبي

**مملكه الحزن** · 11-15-2007, 06:54 PM

انا برضه قرتها من فتره كبيره ولما لقتها كانت مفجاه عشان كدا نسيت اكتب منقول ولما بجيب موضوع انا قريته بكتب منقول ده لو انت متابع مواضيعى واشكرك على لفت الانتباه ده

**عاشقه الرومانسيه** · 01-21-2008, 10:13 PM

جميل اوى بجد عجبنى وشكرا على الجمال ده